تعلم تعتمد على راسك, كيفاش توفر الاحتياجات الضرورية ديالك. أنك تعيش لراسك حاجة كتعطيك حياة خاصة بيك ووقت باش تعرف قيمة التكلم مع النفس.
2.خود الفشل ديالك بمنظور إيجابي.
الفشل كيعلمك شي حوايج اللي النجاح مكيعرفهمش . كيما كان السبب اللي خلاك تفشل, بلا شك غادي تعلم شي درس منو. خود الدروس اللي بانت ليك الصورة ديالها من بعد الفشل. دير هادشي ففترة العشرينات, غتشكر راسك ملي اتوصل لـ30 و لـ40 و لـ60 و 70 وهي غادة.
3.عاود النظر فالعادات ديالك.
صنع رؤية خاصة بيك و حط الأهداف اللي كتنحاز ليهم هاد الرؤية. المرحلة التالية هي تاخد العمل اللي غايساهم فتحقيق الأهداف ديالك.90% من السلوكات ديالنا اليومية كتوقف على العادات ديالنا, أنك تعلم كيفاش تدير ميزاجور للعادات ديالك بنجاح ففترة العشرينات حاجة مصيرية. (سطر مزيااان على ديك مصيرية وايلا ماتمعنتيش المعنى سول شي حد فات ال30 ) حدد العادات الخايبة (حيدها من حياتك) و العادات المزيانة(طورها و رعاها), وديما تدرب و واظب بكثافة على أي حاجة كتديرها .
يقدر الأمر يخليك مجروح و يدمر القلب ديالك, النقطة ماشي هي تربح شي حاجة من العلاقة, ولكن هي تعلم كيفاش تعطي وكيفاش تشارك وقتك و المجهودات ديالك مع شخص اخر. العلاقة الغرامية ماشي مكان للربح، مكان للعطاء.
بجانب هادشي, العلاقة الغرامية هي المراية ديال النفس بش تفكر مزيان و تزيد تنمى(الشدة على ميم)
5.بني علاقات حقيقية.
تلاقى بناس فالحياة الحقيقية. الانترنت كيخلي الاتصال ساهل كتر ولكن عمرو ماغايخد بلاصة الـ real life. شارك وجهات النظر الخاصة بيك وتبرع بأي حاجة قادر عليها للناس اللي دايرين بيك, أفكار و معلومات و تجارب.. أي حاجة. سمع بكل نشاط و اهتمام و تعلم بكل إخلاص و صدق من الناس اللي معاك. بني عشرة (جات من عاشر, يعاشر), ماشي معاملة تجارية اللي غاتمشي بمبدأ ضرورة انستافد من الوجود ديالك.
6.اتقن شي مهارة.
فترة العشرينات هي الوقت اللي مايمكنش لينا نقبلو ولا نحلو اي حاجة. ولكن مفتاح واحد ديال النجاح فالحياة هو القدرة أنك تأخر الإشباع ديالك. وي, باغي تدير أي حاجة ممتازة, باغي تدير الفلوس بزربة, باغي تكون داك الدري اللي كيعرف أي حاجة, ولكن غتعاني لا مدرتيش هادشي فالعشرينات. عوض أنك تلصق فحاجة وحدة وتمسك فيها, بدا الخدمة, واختار الميدان اللي ضامن أنك غتتقن فيه.
7.تحرك من بلاصتك.
تعيش ففترة العشرينات هو أفضل و أحسن وقت كاين فحياتك كاملة, متضيعوش فالبلية, متضيعوش فشي حاجة مغتفيدكش فالسنوات اللي جاية, متضيعوش فأنك تعيش عمرك كامل مع واليديك ولا فنفس المنطقة اللي نتا كبرتي فيها.
8.جرب تحدي لمدة 30 يوم.
كيما كان التحدي, واخا تنوض كل نهار بكري وتجري 5 كلم ولا تنعس كل ليلة مع الـ10 ولا تعطي غا نص ساعة لتيليفونك فالنهار, ولا تكمل القراءة ديال عدد معين من الكتب وتلخصها. عطى الله التحديات و بالمناسبة جربت تحدي انني نعس كل نهار مع 10 ونفيق بكري لمدة شهر وكانت تجربة واعرة واعرة بزااااف ونصحكم تجربوها.
30 يوم ديال التحدي شي حاجة طوب من اللخر.. كتعلمك الانضباط وقواعد السلوك.
9.سافر بوحدك.
العالم هو كتاب واللي مكيسافروش كيقراو غا صفحة وحدة منو. سباق الأنسانية كان داير على العطاء ولا الأخذ هادي 200,000 سنة. وقت كبير بزاف بش تتطور بعض الحضارات ولا الثقافات القليلة و تا المعتقدات. السفر بوحدك كيسمح ليك تغطس فهاد الثقافات و ترسم الاستنتاج الخاص بيك على العالم بلا تا شي صوت عقل آخر كاين فشكل رفيق فالسفر
10.اعترف بالموقف ديالك.
كون واضح فشنو اللي فالواقع مهم ليك نتا, عرف المهمة ديالك وعرف أش خاصك تدير, اكتشف القدرات ونقط الضعف ديالك، و عرف الدور ديالك فالمجتمع - فعائلتك, فالمهنة ديالك وفعلاقتك.
كاين بزااف ديال الحوايج اللي خاصك تديرهم قبل ماتوصل لسن الثلاتين. حطيت فقط 10 بش الاغلبية تزعم تقرا.. ولكن لاكنتو باغيين نزيد أجزاء أخرى كتبوها فكومنط مكاين مشكل .
بارتاجي و ماتخليهاش عندك
✌
Enregistrer un commentaire